日悅極尚日式放題 (Closed)

雖然呢間係放題專門店，但午市為左賺埋附近office番工啲人，午市係有午餐定食。價位都係5x~8x再加一都有。午餐定食包括沙律、定食、飲品、同甜品。味噌湯就唔係個個餐有。食烏冬既餐係冇湯。呢日點左「和風豬肉丼」定食。就咁睇似韓風多過和風囉。認唔認到係咩配菜？係螺肉、泡菜、芽菜、中華沙律。係食旺角冷麵果啲餸。和風呢？會唔會犯商品說明條例架？不過，一個普通打工仔既午餐黎講，我接受。另外一日，點左卷物餐。同吉x島果啲差唔多啦。OK接受到啲火炙壽司都真係不錯，燒三文魚都有入口即溶。午餐時間1點都絕對有位，應該係附近寫字樓既喜訊。