Follow (Closed)

今日行開深水埗買手機配件， 行完之後行到長沙灣附近，咁見到呢度有間西餐廳都幾得意，咁得入咗去試下，因為佢叫做follow唔知係咪因為好似ig多啲follow，咁樣點都好啦，我哋叫咗以下。前菜係沙律、湯係忌廉湯，值得一提佢個湯 佢用咗椰菜花嚟整，所以呢個比較意外，同埋我覺得都幾好飲。 唔似其他餐廳一式一樣都係飲蘑菇湯。燒紐西蘭羊架配薯菜: 呢一個燒羊架其實我覺得真係燒得唔錯， 因為佢將個肉燒到 差唔多8成熟 ，入面嘅肉質都保持鮮嫩，又有羊嘅少少蘇味， 最緊要我食到個肉質都幾時軟熟，呢一個羊架，其實我覺得如果個人鍾意食羊呢一個會係佢嘅首選至爱。燒美國和牛西冷扒配薯菜:食完個羊再食呢一個牛，都係嗰句呢一間餐廳佢燒嘅肉或者係講緊鋸扒，其實個廚師嘅功力幾純熟， 對我嚟講，可以稱得上係大師級又或者係酒店級， 因為個牛肉都煎得差唔多八成熟但係肉質都保持住鮮嫩多汁。最後飲埋杯抹茶乳酪沙冰 & 士多啤梨乳酪沙冰， 其實呢張餐廳啲嘢食嘅質素我覺得好好因為其實你睇出面嘅裝修都知佢都想打一個中上質素嘅餐廳，所以我自己覺得食物質素亦都 above 中上， 行過附近嘅朋友可以試下。