琛仔小廚

Open Now

Now Closed

朋友介紹話大埔有間平價高質平民西餐廳，老闆仲係瑞典回流返黎，所以d西餐都帶有瑞典色彩。講到咁好食，當然要去試下啦，位置離火車站有少少遠，唔熟路都比較難搵，唔怪得無乜人提過。黎得當然要試下d西餐有幾瑞典，所以叫左個瑞典肉丸配薯蓉。個瑞典肉丸做得非常香口，亦好香脆，但內面又唔會乾身，依然有肉汁，配埋個蘑菇白汁都幾夾。薯蓉我係比較欣賞，因為牛油味重，而且佢運用左薯蓉配上薯仔粒，口感比一般薯蓉更好，亦無咁單調。以午餐$50唔洗黎講，有呢個質素都算係非常超值，難怪朋友咁推薦我黎試下佢。