Video
Read full review
2016-04-10
451 views
位於旺角城市中心既金甲韓國料理，係新之城行過去五分鐘都唔洗，非常方便，星期六晚市要$198一位，價錢唔算太貴。呢到食物既種類都好多，除左有生野有熟食之外，仲有飲品同埋甜品，都幾豐富。飲品除左一般汽水之外，仲有豆漿同五花茶，唯一失望既係無coke zero，怕肥既我真係無咩選擇。燒物都有好多選擇，器皿都好衛生，每款同有寫明係咩肉，唔合口味既話就唔洗浪費。肉類基本例如豬、牛、雞都好齊，仲有辣同唔辣揀。魚柳無咩雪味，燒起黎唔會散開，唔洗點醬都已經好好味。五花腩唔算太肥，但都幾好味，脆口又香口。雞肉算幾滑同醃得幾入味又不會太鹹。豬肉肉質同調味都好好，入口鬆軟。雞翼都幾大隻， 好夠味，肉質又嫩，肉汁又香， 燒起都香噴噴。魷魚好快熟，咬落幾彈牙，味道微辣，唔錯。青口味道OK，但係如果可以入返D 大隻少少既貨就更加好啦。護心肉醃得比較濃，但係食落都幾咬口，唔差。牛肋骨入味夠淋，一口牛粒肉汁夠多，仲有韓燒最愛既牛脷菇方面燒完比較乾，唔係韓燒既第一選擇。熟食方面選擇都唔少，有薯條，麥樂雞，炸饅頭，雞翼，前菜，壽司，三文魚，韓式炒粉絲，泡菜煎餅等等。韓式炒粉絲用左蘿蔔絲，冬菇，洋葱同埋黑木耳，再加返個汁，
呢到食物既種類都好多，除左有生野有熟食之外，仲有飲品同埋甜品，都幾豐富。
飲品除左一般汽水之外，仲有豆漿同五花茶，唯一失望既係無coke zero，怕肥既我真係無咩選擇。
燒物都有好多選擇，器皿都好衛生，每款同有寫明係咩肉，唔合口味既話就唔洗浪費。肉類基本例如豬、牛、雞都好齊，仲有辣同唔辣揀。
魚柳無咩雪味，燒起黎唔會散開，唔洗點醬都已經好好味。五花腩唔算太肥，但都幾好味，脆口又香口。
雞肉算幾滑同醃得幾入味又不會太鹹。豬肉肉質同調味都好好，入口鬆軟。
雞翼都幾大隻， 好夠味，肉質又嫩，肉汁又香， 燒起都香噴噴。
魷魚好快熟，咬落幾彈牙，味道微辣，唔錯。
青口味道OK，但係如果可以入返D 大隻少少既貨就更加好啦。
護心肉醃得比較濃，但係食落都幾咬口，唔差。
牛肋骨入味夠淋，一口牛粒肉汁夠多，仲有韓燒最愛既牛脷
菇方面燒完比較乾，唔係韓燒既第一選擇。
熟食方面選擇都唔少，有薯條，麥樂雞，炸饅頭，雞翼，前菜，壽司，三文魚，韓式炒粉絲，泡菜煎餅等等。韓式炒粉絲用左蘿蔔絲，冬菇，洋葱同埋黑木耳，再加返個汁，味道好，又唔會太鹹。
泡菜煎餅辣味夠濃郁，可惜唔夠香脆，有進步空間。
雞翼好大隻，仲要係雞全翼，可惜炸雞翼本人麻麻地。
前菜方面有沙律，泡菜，中華沙律，青瓜，酸蘿白絲等等，泡菜辣辣食落都幾開胃。
甜品方面，有雪榚，各式蛋糕，橙，泡芙同埋各式各樣既啫喱同奶凍。啫喱味道唔錯，如果可以整返唏返少少會好D。泡芙好鬆化，沐上面既朱古力醬分量剛剛好， 一啖就食哂，真係令人不停咁食。至於奶凍就真係好一般。
最後就輪到食雪榚啦，呢到供應既雪榚既維記，味道有3種，分別係雲呢拿，綠茶，同埋朱古力，綠茶味夠濃又唔苦，朱古力味都幾濃，唯一美中不足既就係無沐上面既朱古力碎同醬，如果有既就靚晒啦。食完咁多野之後真係捧住個肚走，好滿足呀。
Post
