爆丼丼 (Closed)

近年爆丼飯盛行，但成日經過旺角果間都要排隊，而且最平都$13X起跳，所以見到FB有人推介呢間荃灣爆丼丼，真係雙眼發光，急不及待搵左日黎食~餐廳位置唔算最方便，由地鐵站行過黎大約10分鐘，不過好在沿路都有商場穿過，所以都唔太熱。大約7點黎到，可能平日又早唔算太多人，但食食下大約7點30就開始多人。餐牌，呢到除左剌生丼飯，仲有熟既丼飯、卷物同拉面揀，價錢非常合宜，晚市大約$50-60就已經食到個丼飯或者拉面。揀左一輪之後，我同朋友決定SHARE一個四重爆丼飯同一個粒粒魚生丼~每個丼飯都會送一碗面鼓湯，如果想飲汽水可加$5~粒粒魚生丼 $78個樣都平日食既角切魚生飯無分別，但鋪係上面既刺生就比平日食既多好多，而且價錢亦相當平，只係$78。刺身方面亦有好多唔同款，除左三文魚同二文魚腩外，仲有吞拿魚，玉子、油甘魚、劍魚等等，食落亦比平日出面食既新鮮，可能因為呢到重點係刺身，所以去貨快來貨都快同新鮮。四重爆丼超級期待呢款爆丼飯，黎到亦無令我地失望啊~D海膽絕無欺埸，有幾板海膽鋪左係面，食落非常鮮甜，份量多到同朋友SHARE食都食到好飽好滿足。除左海膽，仲有吞拿魚腩蓉，吞拿魚油脂香口，拌飯食一流。仲