日木三分車仔麵 (Closed)

第一次試呢間餐廳，一行六人被安排坐到最入，雖然有冷氣又可以自成一角，但始終都係後巷改建，拉塊布加幾張枱，難免都會有啲熱。食物質素都算中上，二餸一麵加埋杯凍檸茶都係$43，都算係良心價錢。我叫左辣汁魷魚加蘿蔔再配河粉，蘿蔔無乜渣而且都入味，個咖喱魷魚個汁岩岩好，唔會搶左魷魚嘅味道，魷魚亦都煮得岩岩好夠爽口。佢個河粉就一般般啦無乜特別。湯底都夠味，配埋個辣汁岩岩好。辣汁不過不失，都建議大家可以加少少。最後係佢杯凍檸茶，加左$9，但真心唔好飲，無茶味無甜味，如果唔係天氣熱大家可以唔加飲品。總括嚟講，$43都算係咁啦。