壹茶 (Closed)

嚟到葵廣除左掃街之外，嘢飲都當然係重點！平時嚟到都係飲頂層嘅芒椰奶西多，今日諗住去買嘅時候就見到開左間新嘢，因為最近好多奶蓋乜乜之類嘅飲品，所以都比佢吸引左過去！見到價錢大致上都係十幾蚊至二十頭，都算合理，而且有芝士奶蓋，都算係咁！本身想叫杯芝士桂花烏龍茶，點知嚟嘅時候一點幾已經無晒，唯有聽店員推介轉左飲芝士新政清鳯烏龍茶。因為芝士係面，所以唔會用飲管飲，最頂有一個洞係可以飲。芝士同茶味都好重，朋友同我飲過都覺得好好飲，不過飲到最尾發現舊芝士一直留左係面變左一舊，我地都無辦法飲到，如果飲到個芝士味應該會更加重。