Table

Open Now

Now Closed

早餐，正常情況下，30分鐘內，煮咩都煮到。奈何煮個生滾牛肉通粉，偏偏就要等差不多30分鐘。同枱的人已經20分鐘內食完，但我的生滾牛肉通粉還未到！算吧，可能水未滾，做唔到生滾牛肉！再等多陣，已經催左一次，待應“哦”的一聲。再過5分鐘，又催多一次，然後待應向咪講話5號枱催牛肉通呀！以為催左可能隔一陣有?妄想！結果我前後等左26分鐘，都等唔到個生滾牛肉通粉。自己又趕時間，唔等喇，走了！走去比錢，哈哈，真係好攪笑，都要等！同佢講我趕時間，我唔等你個生滾牛肉通粉喇，佢主動幫我取消，想取消又取消唔到，我話唔洗取消，我淨係想快d比錢走！結果比錢又等了3分鐘！一個趕時間的人，真係對一分鐘都覺得好耐！最後另一個待應對我講“唔好意思”！心諗，我寧願自己煮，以後都唔會再去“Table”食！如果你地要食生滾牛肉通粉或米粉而又唔趕時間預左等30分鐘以上，咁可以唔洗理我呢篇文章！