莆田 (形點 I)

Open Now

Now Closed

表姐呢3年黎第一次返港探我地，因為逗留香港嘅時間唔長，知佢今次返黎主要都係想食中菜，就揀左去莆田食。我+老公+仔+表姐，4個人揀左張卡位坐，座位闊落，枱與枱之間空間感強，唔會太過迫。4小碟（土筍凍、紫菜、九轉小腸、筍）土筍凍其實入面是蟲，咬落質感似鵝腸，而且酸酸辣辣好開胃，紫菜帶點酸味，好食，九轉小腸無肥膏，而且索滿汁，好食，筍就一般。蠔仔煎蛋蠔仔肥美飽滿，略嫌少了點鑊氣，但配酸辣辣椒醬增添了風味。芋香鴨芋蓉非常香，配了肉質淋滑的鴨肉，外皮酥脆，全餐飯我最喜歡就是這個。椒鹽豬手充滿咸香既炸膠原蛋白，好食。興化炒米粉最緊要配辣椒醬，酸酸辣辣配埋材料豐富的米粉，好正👍其實我地耐唔耐就黎食，因為地點好方便，食完就行返屋企。