喜喜冰室 (Closed)

朝早拍拖去淘大睇戲，睇戲之前係附近食個靚早餐。喜喜冰室，地方環境整潔懷舊feel，好似八、九十年代香港茶記咁。 店員都有禮貌又解釋清楚。早餐選擇都多，視乎肚餓程度揀。鮮牛肉通粉 牛肉嫰口沒加梳打粉，通粉份量都唔少，湯底有少少豬潤味，辣椒油仲係我最愛的冠益！蕃茄牛腩通粉 蕃茄湯底濃郁，有些店水汪汪，所以呢個都叫誠意之作！牛腩夠淋唔痴牙，一定唔係貴價牛腩，有點似罐頭嗰種。火腿奄列多士烘到剛好，火腿奄列大大份！奄列裡面好多火腿絲，而且仲保留蛋汁煎雙太陽，蛋邊仲係燶邊！男朋友點了的茶走少甜，來到真係少甜，因為好多地方點少甜都是偏甜。而且有茶味，茶底他表示喜歡。