尚上下夏 - 養生雞煲火鍋 (Closed)

其實我咁大個女第一次食雞煲，因為一聽到雞煲，就諗起「辣」，但我帶住小朋友，真係食唔到辣，但今次我哋一家就去咗尚上下夏，因為佢哋嘅雞煲可以揀唔辣，仲可以跟手打埋邊爐。我哋去到先食咗個雞煲，仲可以揀雞髀肉，咁就唔怕有骨小朋友食唔到，之後仲可以揀走辣，呢樣真係好正！雞煲嚟到勁香，我仔女都食唔停口，大讚好好味，啲配菜都勁入味。食完雞煲，跟住就嚟打邊爐，我哋揀咗鴛鴦鍋，一邊係「瑤柱群翅雞湯 (咸)」&「新春開運奶茜湯 (甜)」，我想講個奶茜湯真係好特別，我真係未試過打邊爐個湯底係甜。我試咗將魚皮浸落奶茜湯，估唔到又幾好食㗎喎！講到芫茜，可能好多人都耍手擰頭，我就唔知幾時開始慢慢喜歡芫茜嘅菜式，今次仲叫咗「芫茜牛肉卷」，係牛肉卷住芫茜，芫茜味都唔算太勁，因為肥牛味都中和咗，然後放落奶茜湯，真係勁夾！「鮮蝦芫茜燒賣」同一般燒賣唔同係中間加咗芫茜，份量唔多，但又估唔到地夾。「甜心墨魚丸」最特別，甜心嘅意思係中間加咗美祿流心，真係好搞笑嘅配搭，如果想品嘗清楚美祿流心，咁建議用返咸嗰邊湯底食。醬料方面有好多選擇，大家可以調配自己喜愛嘅醬汁！而家下午6點前結帳離座火鍋、雞煲仲有85折！無論門口定舖內，裝修得