富臨皇宮 (Closed)

早幾日得返阿媽同我2個人, 煮餸都難, 所以決定出街食飯~ 就一於黎屋企樓下富臨, 唔洗諗.好耐都冇飲過湯, 所以就叫左個金銀菜燉白肺湯, 超清甜, 飲完一碗又一碗, 豬肺仲要好好食.另外, 叫左碟果皮蒸鮑魚比媽食, 難得出黎, 食好D. 鮑魚爽滑、彈牙, 而且果皮味夠重, 阿媽勁中意.仲叫左個西蘭花炒珊瑚蚌, 份量好多, 勁多西蘭花, 而珊瑚蚌就好爽口.最後仲點左個麻蓉流沙包, 入面滿滿既芝麻蓉流哂出黎, 食落好香, 而唔算太甜, 感覺都OK!