。
焦糖三文魚卷，呢個焦糖三文魚卷真係好得意，會噴火嘅。侍應送上來以後，即刻用火槍點火，好啱打卡。面頭微微燒過嘅三文魚帶啲焦香，咬落去外層微甜香脆，裡面卷住嘅蟹籽卜卜脆，加埋青瓜，玉子同蟹棒，口感好豐富
。
雙餸“三揀二” 丼，揀咗牛舌同鯖魚。鯖魚燒得皮脆肉嫩，魚油香濃但唔會腥，上面灑咗少許芝麻同蔥花，吊味一流。牛舌厚度切得啱啱好，燒得淋滑又彈牙。飯底用咗日本珍珠米，吸滿鯖魚同牛舌嘅肉汁，每一啖都好滿足
。
自選丼飯，今次試試八餸丼飯，滿滿一碗真系海鮮盛宴。丼飯揀咗火炙，珍寶赤蝦超大只，肉質爽甜彈牙。鰻魚片燒得香軟入味，北極貝鮮甜爽口。火炙三文魚同左口魚邊油脂爆燈，入口即化。日本帶子厚身又Creamy，每種刺身都好新鮮鮮甜。下麵飯底調味唔錯，飯底醋味溫和，刺身鋪到滿一滿，撈埋wasabi同醬油，每一啖都系大海嘅味道
。
