竹虎京堂

Open Now

Now Closed

今次同老公去咗試食九龍塘一間好想食好耐嘅竹筒飯但係今次就希望越大失望越大。我哋假日去到都要排隊入去，餐廳座位比較狹窄，個日我叫咗個蒲燒原條鰻魚竹筒飯定食另外我老公好似叫左個泡菜花姿飯定食，本身以為竹筒飯會即刻整要等好耐，點知原來佢係一早整定唔使2分鐘就上枱嗰時心諗已經有啲失望，因為上台嗰陣時已經係冇熱辣辣嘅感覺，佢個定食跟咗個茶碗蒸仲有幾樣前菜同埋甜品，整體來講個竹筒飯完全冇味道，非常之淡，建議可以提供一啲調味料比客人自己加入去，唯一比較好食嘅就係個蒸蛋，都夠滑溜。只能夠講咁嘅價錢，同食物質素令人覺得唔值得再去。