京．33 (Closed)

下午茶兩條友係灣仔遊蕩，唔知3/4點呢d時間食乜野，見到新開既rice burger 做緊promotion $33連汽水，又唔會太飽，就決定試試。正價menu既價錢都合理，本來見和牛/蟹/龍蝦都吸引，不過試吓有promotion 既幾款先！我叫左個*豚肉溏心蛋飯堡*，$33包罐裝汽水。包裝紙入面有「包膠」，唔會食到成隻手癡粒粒，亦都可以托住啲肉汁，外賣食應該都幾方便。飯煲出邊包左層紫菜，脆卜卜，紫菜同炸飯之間林左啲沙律醬，熱辣辣好香，炸飯本來以為會痴牙， 但一d都無仲好鬆身，唔係炸得「硬梆梆」果種；中間嘅豚肉好似中式嘅東坡肉，唔會太簿身，脂肪比例均勻，食落油而不膩，肉味香甜，食得出腌煮左好耐，好味喎！！！糖心蛋好似拉麵嗰種（有一隻開半），蛋白已經被醬油腌到變啡色，好入味～沙律菜亦好新鮮，唔會變黃變黑。食完下面仲好多肉汁添！$33蚊呢個質素真係抵到爛！就算正價＄38都抵食～不過正如標題所講，呢個鋪位位置非常多，空間好闊落，有三四位靚仔靚女睇鋪，但周末既人流唔多，仲要咁抵食，真係好擔心會站不住腳⋯⋯希望大家多啲幫襯，支持小店！（唔係做廣告，真心想開心share）