豪隍點心工房

食過總店，真系大件夾抵食，每次都有介紹人去食，下午茶真系好平，如果住觀塘，真系會再去多D。今次去左新店試下，環境好舒服，無甘迫。味道同以前一樣甘好味，仲系甘大件，好吸引，但可惜下午茶時間已經吾再系以前既2pm，變左3pm。我去到都打左個突，雖然可以嗌少少野食，然後3點再嗌，但太晏喇，所以就甘普通時間食翻普通價，睇翻價好似差大概$5-$10一個點心。

蜜汁叉烧腸

無以前咁脹，但都好食，入面都系粒粒叉燒，皮都做得好軟滑同唔黏。豉油比你自己落，吾怕落多/落少，可以就翻自己口味。

鮮蝦菜苗餃

菜苗餃就做到以前食嗰種脹，真系好吸引，咬落去好清爽。皮又系做得同腸粉一樣甘好，仲要夠透明，賣相非常好。

流沙奶黄包

依加吾系到到既流沙包都真系流沙，尼個要小心食，佢真系流出嚟，包都好軟熟，好味👍🏻

高湯鮮竹卷

佢D野真系夠曬熱，鮮竹卷都好足料。

蓮藕煎鯪魚餅

煎得好香，好有口感，大大份，好食呀

蒜蓉芝士鮮蝦長春卷

$38

尼個點心最貴，其他既點心都忘記幾錢，諗住應該都會好味，但好可惜，吾知系咪條春卷長左D，食到一半已經好膩，吾太想繼續食。入面既料都因為出面太炸，突出吾到。

7

最後附上如果早茶/下午茶黎，真系好抵！地點系遠少少，但都值得！