上次來已係成兩年前, 仲係食早餐咋...
今日叫個午餐喇.
問阿哥哥仔, 夏威夷雞扒有咩特別, 佢答係燒汁; 但點解叫夏威夷, 其實佢都答唔出...
估都係煎扒吧, 照叫個夏威夷雞扒餐喇, $40;
媽叫個牛柳餐, $58.
湯先上, 係幾水卻幾咸的羅宋湯.
個包反而幾好食.
夏威夷雞扒原來係有片菠蘿, 原來同夏威夷 pizza 係同一樣...
煎得ok 喇, 唔燶, 肉都嫩.
阿媽的牛柳有d怪, 出面冇乜煎過或grill 過的跡像, 但卻已7成熟, 好似,
好似... 好似 係叮熟咁....
肉質好采不錯, 唔韌, 少筋, 少肥.
起碼唔覺有梳打味.
加埋一, 收成六十幾;
當然唔算貴, 但比起出面茶餐廳的 40蚊個什扒餐, 市場定位唔明確.
算ok吧, 但個湯真係要搞搞佢.
