探燒 (Closed)

近月開張嘅探燒地點就腳，環境光猛企理，出品水準穩定店員夠 Nice，同朋友仔傾偈細聲講大聲笑就啱晒 😎 串燒調味不外乎係孜然、辣椒粉同蒜蓉，味道有啲似內地好出名嘅木屋燒烤，人均消費 $200 左右，食材新鮮、火侯掌握得好已經值回票價 👌🏼先推薦幾款印象深刻嘅食物，椒麻酥肉係四川嘅特色小食，香港比較少見，粉漿調得好好唔會皮肉分離，混入花椒粉咬落有淡淡嘅麻同香料味 🌶鴛鴦糍粑煙韌唔痴牙，伴上紅糖漿同黃豆粉，係好好嘅飯後甜品 🍮特別推介大家一定要試佢哋嘅炒米粉，配料有豆芽、雞蛋、指天椒同細細粒嘅八爪魚 🐙 鑊氣十足、根根分明，味道辣辣哋有好重嘅豉油香氣，米粉充滿彈性食落有少少似粉絲，始終都想有啲澱粉質先夠圓滿 🥰羊肉串肥瘦相間唔太羶；墨魚汁香腸彈牙中帶點鮮味；魷魚鬚香辣爽口，上檯時會有個小爐座熱，唔怕傾耐咗凍晒，貼心嘅不過老實講保溫效果就一般般啦 🤣蒜蓉剁得好細，唔會帶有生蒜嘅辛辣 🧄 好適合配海鮮，蒜蓉燒扇貝同生蠔價錢合理，大大隻肉質飽滿 🐚茄子係好多人食串燒必點嘅 Item，應該先蒸煮過再燒，好軟滑外皮亦無燒到燶晒 🍆 鋪上鹹香蒜蓉後真係好正，成條清晒都唔會成口油 👍🏻花甲唔算太大隻但得