明星金閣海鮮酒家

Open Now

Now Closed

原本是奔著 "避風塘焗蟹(HK$288/兩隻)* 去的，我要求1開2不要斬碎件及另外叫了 "酸菜水煮龍躉件(HK$148)"，經理入廚房Order出嚟就話D蟹沽清了，咁唯有加個 "琥珀青芥安格斯牛粒(HK$168)"，初初以為酸菜水煮龍躉件係水煮魚既朋友，原來唔係，碟菜一上枱我就聞到好勁既大豆牙味，我本身唔食大豆牙，於是將所有大豆牙揀出，最後剩番5塊龍躉肉(炸過)、5塊魚骨/魚尾、同啡色既汁，約10分鐘享用完，繼續等下一道菜。到琥珀青芥安格斯牛粒，我以為會有芥末味，原來全是豉油味，D牛粒好咸同乾，值得慶幸是琥珀無油益味😅，趕快享用完轉場去食糖水🫠🫠。埋單HK$385(茶位17/位連加1)。經過咁多年呢間酒樓仍然䇄立不倒，一定有佢既生存之道，除了靠一班老街坊支持，仲有廚師們既精心製作，佩服。