味道正宗之餘亦用料十足👍🏻
日 式 海 藻 沙 律 ($88)
係Soho行到身水身汗，
先黎一份refreshing嘅海藻沙律。
黑 松 露 薯 條 ($88)
鮮炸薯條表面灑上芝士粉，
點埋黑松露醬好match!
火 熱 馬 拉 砂 煲 肉 骨 茶 ($148)
有別於其他舖頭，
店主強調佢地嘅肉骨茶係唔會refill湯嘅，
原因係佢地有fixed ratio，
想keep住一煲原汁原味。
店主亦堅持不加味精同糖，
所以飲落藥材味濃非常順喉亦唔涸。
豬軟骨啖啖肉炆到入哂味，
配埋珍珠飯、油炸鬼及手工蒜香米餅，
最後清到一滴湯都無淨🫢
珍 寶 大 蜆 拼 海 蝦 喇 沙 湯 麵 $128
同樣都係不加味精同糖嘅喇沙湯底，
椰味香濃但一啲都唔漏，
連埋海鮮一齊煮，
仲有一份海鮮嘅甜味。
而新鮮嘅珍寶大蜆肉厚鮮嫩，
海蝦有成3隻仲隻隻都大大隻，
麵底係摻摻麵，
成碗都係正宗喇沙嘅味道😌
店主仲因應WFH推出左急凍肉骨茶包，
$188 一盒兩包方便之餘又抵食👍🏻
