Video
Read full review
2020-05-31
485 views
收工立即極速 5 波離開，半行半跑 13 分鐘到達火車先記起八達通未增值！身上只得 $500 蚊紙，閘口增值機竟然只接受 $50 及 $100！唯有行去另一個側門，但無票務處，已經行到全身濕晒！再兜上大堂搵票務處增值，居然裝修！票務處搬到老遠另一邊，要再行返轉頭，人都癲呀！最終落到月台人山人海無位坐，真係著鬼晒火！旺角落車去榮園食碗麵降降火，轉小巴返大埔飲酒驅邪驅邪！恭喜終於開新舖，唔洗再踎係坑渠邊。路過新舖見一個食客都無，乾淨光猛冷氣夠勁，不過似乎大家都較喜歡坑渠邊舊舖，露天無冷氣聞住異味，別有一番風味！舊舖千年不變獨孤生菜，千年不變不賣飲品，千年不變只賣魚蛋牛丸雲吞牛腩，都幾好做喎！幾十年老舖貫徹紿終不賣飲品，只賣生菜，絕無其他菜提供。供應招牌牛腩，另外就只有雲吞、魚蛋、魚片、牛丸，係得咁多架喇！就連炸魚皮都不賣，夠專注係勁既！新舖改變係侍應們轉晒做神州大媽，已經唔係以前清一色粗豪麻甩大叔咯，而且餐牌亦加入大量新出品。巧遇兩位洋妞食客看圖點菜不知所措，估估下點解唔問我呢？我坐低食碗麵啫，其他食客眼望望真奇怪，睇我就知唔係 MK 族啦，我遊客黎架乍。點解要坐個酒鬼阿叔攞住罐大藍妹埋黎
恭喜終於開新舖，唔洗再踎係坑渠邊。路過新舖見一個食客都無，乾淨光猛冷氣夠勁，不過似乎大家都較喜歡坑渠邊舊舖，露天無冷氣聞住異味，別有一番風味！
舊舖千年不變獨孤生菜，千年不變不賣飲品，千年不變只賣魚蛋牛丸雲吞牛腩，都幾好做喎！幾十年老舖貫徹紿終不賣飲品，只賣生菜，絕無其他菜提供。供應招牌牛腩，另外就只有雲吞、魚蛋、魚片、牛丸，係得咁多架喇！就連炸魚皮都不賣，夠專注係勁既！新舖改變係侍應們轉晒做神州大媽，已經唔係以前清一色粗豪麻甩大叔咯，而且餐牌亦加入大量新出品。
巧遇兩位洋妞食客看圖點菜不知所措，估估下點解唔問我呢？我坐低食碗麵啫，其他食客眼望望真奇怪，睇我就知唔係 MK 族啦，我遊客黎架乍。點解要坐個酒鬼阿叔攞住罐大藍妹埋黎？勁嗅煙味激嗅酒味，影響食慾呀！我仲有半碗未食完，搞到好似聞住屎坑食野咁！
剛聽到有食客點雲吞麵要求麵要烚腍一點？腍腍劈那會好食，莫非係假牙？不過以前有同事要食極腍近溶出前一丁麵，各有各口味。早年遇到有個阿嬸食客發爛渣無三餸湯麵食，失控呱呱嘈！誰知剛才我想食雙併撈麵，現已禁止！只可以單餸撈麵，食湯麵都最多雙拼！獨裁政權到底咩道理呀？依家被迫只可以食雙拼湯麵唔夠飽，轉頭要食多餐！
牛筋腩撈麵，清湯好淡，食完灌入清洗味蕾也不錯。用彈牙靚麵掛上美甜腩汁跟大量辣椒渣再捲上鬆化牛腩，擘盡我的血盆大口用力吸啜！食得豪氣暢快，停不了的動作，迅間消滅無得留低，好好食呀﹗辣椒油高質美妙！微辣而香味出眾使人回味，惹味開胃夠刺激！
牛丸牛筋腩粗麵加腩汁，都話走蔥咯，燥底突然上火！挑晒落檯面大媽您自己掃啦！食飽飽火氣降溫，用紙巾抺完嘴仔，順手將蔥花堆埋一齊，我氣量大，原諒大媽您！我係純正香港民，絕不被神州文化污染！牛骨湯底清香可口，粗麵爽彈滑高質，彈滑靚粗麵捲埋牛腩拖著大量辣椒渣濃湯享用，極美味極暢快！
蠔油生菜，爽甜沾上鮮味不咸不濁蠔油，全部清掉翠綠鮮嫩舔舔脷。蠔油菜芯，鮮爽翠綠，爆汁清甜無得頂﹗久別重逢，重新出發！無晒驃形大漢大叔，換來州味濃的嬸嬸伯伯。蠔油芥蘭，早前讚過菜芯大大碟疊得高高滿滿，物超所值！眼前芥蘭得少少，來貨價貴菜芯多倍？食落極高的品質，條條脆卜卜爆出菜甜味，就連菜葉都嫩嫩的！
魚蛋牛筋腩河，河粉看似正常，但一夾即散晒！唔怪得前後左右河粉男女都用羹食，還以為個個都那麼百般優雅斯文添！最後連我都要用羹食，大啖大啖掃入口算數，腍劈劈散筲筲！濃濃清香牛腩湯原味可口無敵，撈上辣椒油變得辛辣惹味，更加慾罷不能，幾乎一滴不漏飲晒。
魚蛋牛筋腩河，幾乎永不失敗的牛腩！嘆足您廿幾年都廿年如一日，依舊鬆化棉滑香甜濃郁！五香牛筋腩無得輸無得頂，鬆軟彈滑，嫩滑無渣，肉汁微滲，味道帶著香濃五香味，泛著富豐可口香料味。牛腩軟棉嫩滑，不乾不鞋亦無渣，甜美可口汁液已佔據每條纖維。溫柔地嘴嚼，每啖都滲出暖暖肉汁，真的欲仙欲死啊﹗牛筋腩撈粗，粗麵微嫩帶滑有咬口，結實爽彈硬麵大愛，掛著大量辣椒渣狂啜辛香微辣，最愛用麵捲住牛腩撈埋大量辣椒塞入口，刺激醒腦！
淨雙丸走蔥，其實係牛丸魚蛋喎，淨丸蛋先正確，可能榮園只有這兩款。魚蛋有著魚腐的味道及質地，質地都有點似鯪魚滑做成既魚蛋。魚蛋雖腍但腍中帶滑十分神奇，外彈內軟多汁，鯪魚滑味濃濃的，亦有點潮州魚蛋味。魚片跟魚蛋味道一模一樣，只係多左炸過的咸香及嚥韌外皮。起初不喜歡，奇怪地越食越起勁，越有味道越喜歡。牛丸使我聯想起打邊爐，跟凍肉舖買既同出一轍。外層滑嘟嘟，質感十分結實而帶點爽，淡淡的牛肉香，平凡一般。牛丸充滿彈力，整粒啪入口，爆開！肉汁甜牛肉味清爽蠻好食，不過通記更勝一籌。
雲吞牛筋腩粗麵，我要雲吞牛筋腩撈粗走蔥走蠔油，出現係湯麵加勁多蔥！阿嬸親手幫我挑走蔥花，我原諒您啦。以為比只淨腩麵我，終於發現 3 粒大大粒雲吞藏係底，不過有粒爆開散晒咯。牛筋腩撈粗麵，高質鬆軟牛腩被彈牙粗麵捲著大大力啜入口，大量辣椒肉在味蕾打滾，香辣惹味可口無比，不停塞不要停！
淨牛筋腩、雲吞撈麵加腩汁，侍應大媽肉緊地提醒淨牛腩要 $75 蚊喎，我心諗我有錢比架！再次偷懶唔操拳，去到旺角都要逃學，我肚餓想食野、頸渴想飲酒麻！
淨牛筋腩，淡茂茂，炆得不入味！牛腩瘦瘦的，切得大大舊不能一啖塞入口，太乾鞋硬要慢慢撕開進食，仲要用力點趙，失望！半碟牛筋，爽而不黏，不過不失。雲吞撈麵加腩汁，腩汁同牛筋腩一樣淡而無味！第一次要撈豉油食。幼麵太腍太濕不爽彈，完全失水準。雲吞撈麵加腩汁，鮮肉雲吞？食唔到蝦既？夠大粒，味一般，瘦肉少肥豬肉勁多。
牛肚牛腩河走蔥，軟綿鬆化的牛腩，腍腍帶彈金錢肚，跟嫩滑河粉可以混為一體直入嘴仔。看似只暖不熱的河粉，掛上大量辣油不留餘地狠狠地吸啜，竟然灼到甩皮啊！實在太過香甜味美，損晒都在所不惜！
落單時再三叮囑要加紫菜，重要既事講三次都係唔夠！最後廚房大媽都唔肯比我食，激死我！樓面大媽想後補，我都差不多食完，算罷啦﹗要收成 $10 蚊加紫菜？不合理舖租實在過份，難為老百姓！搞到 $18 蚊只幾兩芥蘭，要 $36 蚊碗魚蛋粉得幾啖仔！香港 97 以前國泰民安地靈人潔豐衣足食，您話點解？
墨魚丸牛筋腩伊麵走蔥，我明明只係講牛腩，但只得兩細粒仔腩肉碎，大量牛筋！唔講以為係牛筋伊麵添呀。墨丸實淨足料，有墨魚鮮味，仲有菜粒馬蒂粒爽爽的，還可以。伊麵蛋味甜甜油香吸引，極為爽彈非一般，但吸湯力帶湯力都低下，而且麵餅較我食開的份量略少，什麼牌子來的？
牛丸牛筋腩麵
6 views
0 likes
0 comments
牛筋腩撈麵
7 views
0 likes
0 comments
牛筋腩撈麵
6 views
0 likes
0 comments
辣椒油
4 views
0 likes
0 comments
牛丸牛筋腩粗麵
0 views
0 likes
0 comments
辣椒油
0 views
0 likes
0 comments
蠔油生菜
0 views
0 likes
0 comments
魚蛋牛筋腩河
2 views
0 likes
0 comments
魚蛋牛筋腩河：河粉
2 views
0 likes
0 comments
淨雲吞
0 views
0 likes
0 comments
淨雲吞
0 views
0 likes
0 comments
牛筋腩撈粗
6 views
0 likes
0 comments
牛筋腩撈粗
2 views
0 likes
0 comments
淨蛋片
14 views
0 likes
0 comments
牛筋腩撈麵
5 views
0 likes
0 comments
牛筋腩撈麵
5 views
1 likes
0 comments
淨雙丸
3 views
0 likes
0 comments
牛筋腩撈麵
7 views
0 likes
0 comments
辣椒油
4 views
0 likes
0 comments
雲吞牛筋腩粗麵
2 views
0 likes
0 comments
雲吞牛筋腩粗麵
4 views
0 likes
0 comments
雲吞牛筋腩粗麵
4 views
0 likes
0 comments
牛筋腩撈粗麵
4 views
0 likes
0 comments
牛筋腩撈粗麵
2 views
0 likes
0 comments
蠔油菜芯
3 views
0 likes
0 comments
牛肚牛腩河
8 views
0 likes
0 comments
牛肚牛腩河：河粉
6 views
0 likes
0 comments
蠔油芥蘭
14 views
0 likes
0 comments
墨魚丸牛筋腩伊麵
11 views
0 likes
0 comments
墨魚丸牛筋腩伊麵
8 views
1 likes
1 comments
Post
