巴辣仔烤魚雞煲 (加連威老道) (Closed)

聽聞【巴辣仔烤魚雞煲】好好味，今次專程去試烤魚。因為佢哋烤魚係原條深海大班，鍾意食魚嘅我一定會試。 果然不負眾望，條魚超大條，我估差唔多兩斤，魚腩部分好好味，而全條魚肉超新鮮。😍原條烤魚-深海大班🐟 $388, 每款烤魚附送4款自選配菜，我哋加配鮮腐竹、雞脾菇、豆卜、娃娃菜，另加薯粉。薯粉好有彈性，口感煙煙韌韌。😋再點咗即炸腐皮蝦卷小食，大大杯龍鳳檸樂，超級大杯, 飲品大杯到足2人份量 。😍而且亦有自助醬料吧, 任食水果！👍