先嚟花膠鮑魚， 煮好再等你一開頭有啲嘢落肚先，唔使等
其實食咗雞煲先打邊爐呢個到底係邊個發明嘅食法嚟㗎呢？我次次食完個雞煲都已經ok飽。佢個雞煲一如以往好香。
刺身唔算多，但係已經好大路夠我食啦。而且每一次都好鮮甜。
食完雞煲上邊爐，就係海鮮出現嘅時候喇！而家打邊爐真係好少食肉，通常都係食海鮮。 佢嘅海鮮好新鮮而且都幾多款式。 我通常唔使encore就已經飽咗。
話就話少咗食肉但佢呢個牛肉都係不得不食嘅。每一次食完佢呢個牛肉呢都覺得出面食唔到呢個香同埋呢個口感。最鍾意佢就係將兩片牛肉切啲唔切啲咁樣黐埋一齊，個口感好豐富。
今晚叫嘅蕃茄濃湯，堅濃！
呢個檸檬薏米水甜咗啲，所以飲番個烏龍茶中和就差唔多啦。
食完仲有椰汁燕窩浪口做甜品真係好正呀！大滿足
