泰一 (Closed)

午飯時間經過呢間餐廳，見入面冇咩食客都有d奇怪，不過見落雨唔想行就入去試下，入到去冇人帶位，之後落單，嗰位比較年長嘅waiter態度非常惡劣兼無禮貌，都算啦，等左幾個字d野食仲未黎，咁就叫另一位waiter落埋飲品，落完佢去入單，然後竟然間我地係咪淨飲？！下？咁即係之前嗰位態度惡劣嘅waiter冇落到單啦！！！嗰度一個客都冇都可以漏單？同佢講返之後佢地一句唔好意思都冇！！一而再再而三嘅問題真係火都黎！！決定拎袋走！不過佢地依然係無動於衷！實在太差太過份！香港仔咁多餐廳，咁嘅服務態度點可能立足？！絶對會black list 左佢，以後都唔會再黎！！！