斗記點心專門店 (Closed)

收工後6點幾肚餓~經過呢間斗記點心專門店，係門口睇都幾企裡，入到去得兩臺客人，但是冷氣開到好大！凍到好似殮房感 😔，我叫左4樣點心(因為好餓)。分別叉燒腸粉 脆皮芋絲春卷 香芹潮州粉果 藥膳鳳爪 ，等左大約5分鐘 就上左春卷同粉果！粉果竟然一夾就散左 😒😒😒 爛蓉容感，最後要湯匙先食到！ 春卷都幾好食，炸得好香脆。不過稍微個餡料有d油！ 最後上左腸粉同藥膳鳳爪！ 鳳爪一擺低我已經後悔 ，個樣好似人食淨感 而且望落去好似翻蒸果幾次！ ，實在睇落沒胃口！ 最後的叉燒腸粉 味道卻一般般！皮十分厚，餡料有些少！ 大致上食物我真的無話可說，但是要提一提其他， d服務姐姐一邊做野一邊傾計 ，又傾得好大聲！收銀d姐姐同大聲同廚房阿叔吹水，但係客人企係到等佢找錢！又係鋪面嘻嘻哈哈討論食咩下午茶好！其他客人舉手叫幾次先有反應！ 其實沒咩機會我會再來光顧了！