北京人家 (Closed)

睇到openrice旣食評所以黎喱度食填鴨，點知連美心集團而家都信唔得過。先叫左個蝦球豆腐，水準很好，蝦球新鮮，豆腐有濃濃旣豆腐味，加上個獻汁一流，可以俾9分，然後係好失望旣片皮鴨。鴨唔係我地面前片，淨係遠遠咁show左2秒鐘我地睇，上台時覺得少，但因係美心以為佢信用好無再放係心上。隻鴨乾，d薄餅又係乾，同埋厚，重唔熱添，同侍者講，佢就攞番去叮過，出離個時包住餅個袋就係熱旣，d薄餅係暖旣，唔駛幾耐又凍番。有個侍者話俾我地知，我地唔係第一個投訴個餅係凍旣客人。咁點解唔用蒸籠放d餅呢？食到淨番幾件先發覺有幾塊鴨肉係灰綠色，我地當堂停晒。向部長投訴，佢地叫左兩個師付出黎，一個話佢地放血放得唔好令到肉變色，一個就話佢地d鴨唔靚。番黎寫喱份食評個陣再睇番openrice旣編擲擲輯推介，先發覺真係同介紹完全唔同，食評個侍者係係食客面前片，個碟鴨又真係大過我地個碟好多 再睇吓食評登旣日子，原來已經係8個月前。唉，而家出街食野真係要越來越小心，唔止價錢同份量成日改變，d質素都日日變，連美心都係咁。