貓抓烤肉

Open Now

Now Closed

超級差7:20入座，叫咗一個四人套餐同散叫幾碟餸。7:30叫嘅嘢八點都上唔到一半。已經唔係叫你煮，我哋係食緊自己燒肉嘅餐廳，當你新餐廳少人做嘢。我哋喺8:30嘅時候再叫咗幾碟牛肉同埋一啲海鮮，結果唔好話第二轉啦，第一轉都未嚟一齊，等到9點先至嚟第二轉嘅肉。好唔明套餐要搞咩搞咁耐？因為實在太慢已經唔知自己叫咗啲乜嘢，最後因為等到我好眼瞓，我已經唔想再食（本身啲肉都唔好食，都係超重味精）咁我哋就同職員講我哋好似冇嗌你可唔可以check吓，跟住個小職員好串咁同我哋講係你哋八點嗌㗎喎～真係火都嚟埋你好意思講八點嗰陣時已經9點幾啦，仲想我哋等幾耐？仲要係第二轉嘅第一碟肉。我7:30入座9:00都食唔到八成嘢仲要我地等到幾時？仲有嘢飲超甜，甜到唔想飲係甜到要溝佢啲水我哋先至要飲得落，跟住最恐怖係嗰個標明好出名嘅貓爪布甸，睇片明明係超彈超滑，但係拎出嚟嘅時候好似雪左10年一樣咁硬。就係信咗社交平台嘅推介，結果我都唔知我自己食咗啲乜嘢！講真裝修做到幾靚，扮到幾似日本都好，你哋嗰啲所謂嘅超靚肉仲衰過我去酒樓打邊爐。人均仲要$200真係貼錢買難受。