Video
Read full review
2021-11-22
2043 views
我們一行28人，訂了BBQ連大包廂，套餐包了有卡拉OK，桌球，鋼琴，電動麻雀台！任食燒烤，包一罐飲品，燒烤叉，紙碟，膠叉，4包炭！先講入場，帶咗我地入場之後，透咗兩個爐，就全程唔見人！比咗一袋遙控，一倒出黎，只係得電視同步步X DVD機既遙控，卡拉OK無比咪，電動麻雀台開唔到，只有桌球可以玩到！臨近尾聲先知道，原來卡拉OK咪要比錢租，$10/枝，d歌有d仲要係Join左VIP先叫做有d新歌(都係聽隔離包廂既顧客講)你話玩佢d設備要比按金我都無所謂，驚整壞都好合理，預先講明都無問題，但係之後先講要再比錢，咁樣我做咩要一開始要專登訂個包廂？再講下食物，味道算正常，款式都算多，不過經常無，又無refill，拎食物個counter得兩個姨姨，完全做唔切，態度仲要超差，出去等換飲品既時候聽到隔離個顧客想問佢拎紙碟同膠叉，個姨姨問佢做咩仲要拎，問佢幾多人要幾多份，隱約聽到佢又係2X人，話佢地入場時比唔足，要再拎，個阿姨答無理由比唔足，你再check下，到最後都係黑住面比左幾套佢！另外蜜糖，我地28人，開左3個爐，只係比左一小兜，好似人地住醫院裝住d藥比病人個只咁細！仲有男女廁超污糟，洗手液仲要溝水
先講入場，帶咗我地入場之後，透咗兩個爐，就全程唔見人！
比咗一袋遙控，一倒出黎，只係得電視同步步X DVD機既遙控，卡拉OK無比咪，電動麻雀台開唔到，只有桌球可以玩到！
臨近尾聲先知道，原來卡拉OK咪要比錢租，$10/枝，d歌有d仲要係Join左VIP先叫做有d新歌(都係聽隔離包廂既顧客講)
你話玩佢d設備要比按金我都無所謂，驚整壞都好合理，預先講明都無問題，但係之後先講要再比錢，咁樣我做咩要一開始要專登訂個包廂？
再講下食物，味道算正常，款式都算多，不過經常無，又無refill，拎食物個counter得兩個姨姨，完全做唔切，態度仲要超差，出去等換飲品既時候聽到隔離個顧客想問佢拎紙碟同膠叉，個姨姨問佢做咩仲要拎，問佢幾多人要幾多份，隱約聽到佢又係2X人，話佢地入場時比唔足，要再拎，個阿姨答無理由比唔足，你再check下，到最後都係黑住面比左幾套佢！
另外蜜糖，我地28人，開左3個爐，只係比左一小兜，好似人地住醫院裝住d藥比病人個只咁細！
仲有男女廁超污糟，洗手液仲要溝水開稀！
呢間野，比錢請我黎都唔會再去！
Post