喜來稀肉 (Closed)

平日我好少過港島，因我表姐住喺嗰邊，昨日佢就約我過去同佢一齊食飯，佢話灣仔有一間喜來稀肉韓國菜館 好出名，梗係要試下.韓國最出名盛產人參，係人都知有益又補氣血$120價錢加上新鮮嘅全隻鮮雞來烹調，人參味更加出眾，人參鮮甜濃郁雞肉又滲入人參嘅香氣，煮得夠淋甜又不失雞肉嘅鮮味，非常可口，湯味更加唔使講啦，我哋飲到一滴都冇得淨。跟住再點左一個$488一頭牛，佢嘅內容呀好有睇頭，有喜來烤肉，牛五花，特級牛頸，牛肋骨肉，烤調味牛排骨，差不多全隻牛都都畀你食。佢個品牌喜來烤肉好食就唔使多講，每一片肉都新鮮無比，嗰個牛五花紋理肥瘦均勻，簡直係特級享受，仲有佢嘅牛頸肉，爽甜到不得了，牛肋骨肉牛肉味濃郁，還有佢嘅牛扒骨 配上自家製嘅調味非常突出 ，每一部分嘅牛味都各有不同，韓國$90炸醬麵都好出名炸醬微辣嘅香，味道又夠濃郁，麵條煮得彈牙,最後飲品加$5便可享用，我哋叫咗 柚子汽水同藍色檸檬汽水，當你食完烤肉後再飲杯冰涼嘅汽水真係一大樂事。