Video
Read full review
2018-04-24
78 views
我既隔離鄰舍好朋友生日，睇在佢平時成日請我食吓好嘢，今次等我掉返轉請佢食餐勁既。就返佢返工既地點㨂返喺尖沙咀食，㨂咗間新派韓國菜試吓。The Joomak喺ＬＣＸ入面，餐廳部份位置係落地玻璃旁邊，都幾有情調，啱啲情侶浪漫吓，我同女仔朋友黎就唔洗咁浪漫。 我哋TOTAL叫咗四個菜：馬格利青口+番薯條、泡菜煎餅加魷魚、韓式辣牛肉炒粉絲、韓式燒牛肉伴飯。飲品就叫咗：土耳其蘋果茶、洋甘菊黑杞子茶 馬格利青口+番薯條呢度既青口隻隻都好巨型，啖啖肉，香濃既牛油香味配上青口本身既海水味，再加上馬格利米酒既酒香，宜家望返啲相都有啲肚餓。佢呢個菜既味道令我同朋友都諗起之前我哋食開一間法國菜小店既味道。嗰間法國菜小店關門大吉後就無再食過咁好食既青口，下次掛住可以返黎呢度食呀。 泡菜煎餅加魷魚真係未試過泡菜煎餅上面可以加TOPPING，都幾有趣～不過呢個如果加多啲泡菜同辣味會更好。呢個啱以前唔識食辣既我，宜家我已經叻咗好多，仲有本事嫌人唔夠辣 韓式辣牛肉炒粉絲份量好多，每一條粉絲都沾滿咗韓式辣醬，入面仲加咗啲洋蔥同小菜苗中和吓個辣味。 韓式燒牛肉伴飯其中一個我好鍾意既韓式菜，佢既配菜都好豐富有肥牛、青瓜、芽
The Joomak喺ＬＣＸ入面，餐廳部份位置係落地玻璃旁邊，都幾有情調，啱啲情侶浪漫吓，我同女仔朋友黎就唔洗咁浪漫。
我哋TOTAL叫咗四個菜：馬格利青口+番薯條、泡菜煎餅加魷魚、韓式辣牛肉炒粉絲、韓式燒牛肉伴飯。飲品就叫咗：土耳其蘋果茶、洋甘菊黑杞子茶
馬格利青口+番薯條呢度既青口隻隻都好巨型，啖啖肉，香濃既牛油香味配上青口本身既海水味，再加上馬格利米酒既酒香，宜家望返啲相都有啲肚餓。佢呢個菜既味道令我同朋友都諗起之前我哋食開一間法國菜小店既味道。嗰間法國菜小店關門大吉後就無再食過咁好食既青口，下次掛住可以返黎呢度食呀。
泡菜煎餅加魷魚
真係未試過泡菜煎餅上面可以加TOPPING，都幾有趣～不過呢個如果加多啲泡菜同辣味會更好。呢個啱以前唔識食辣既我，宜家我已經叻咗好多，仲有本事嫌人唔夠辣
韓式辣牛肉炒粉絲
份量好多，每一條粉絲都沾滿咗韓式辣醬，入面仲加咗啲洋蔥同小菜苗中和吓個辣味。
韓式燒牛肉伴飯
其中一個我好鍾意既韓式菜，佢既配菜都好豐富有肥牛、青瓜、芽菜、紅蘿蔔絲、豆苗等，佢肥牛煮得好入味，啱晒黎餸飯食。
土耳其蘋果茶、洋甘菊黑杞子茶
因為我哋兩個咁啱都係撞中咗唔適合飲凍嘢既日子，一人㨂咗杯熱茶開心share，兩壺都好足料，配上蜂蜜比我哋自己控制落幾多。不過如果加個茶隔或者放落茶袋更好，我哋飲到成口都係洋甘菊。😆😆
Post
