海鍋手工涮涮鍋 (Closed)

尖沙咀開咗間新火鍋店！其實地點幾方便，只係唔太起眼！今次試過佢地一款野食之後，我覺得自己一定會再嚟！一開始揀個鍋先！揀咗個感覺健康啲嘅蕃茄薯仔牛腩湯鍋！蕃茄湯鍋底真材實料，唔係用茄膏開嘅！入面仲有啲牛腩食添！好少地方會有得叫紫貝天葵！夏天打邊爐飲就岩晒！酸酸甜甜又唔會落太多糖！正！估唔到火鍋店會有燒雞泡魚乾！即叫即整，出到黎仲係暖！都幾厚身，魚味又重！好香口！炸嚮鈴真係令人好有驚喜！因為佢比一般嚮鈴大超多！真係有成隻前臂咁長！而且即叫即炸！就咁食又得，放入湯到浸浸佢又得！一樣咁正！衣樣就係令我一定會再嚟嘅野喇！新鮮牛頸脊好香好軟滑！淥一淥就食得！生嘅時候你睇到啲紋理幾靚！睇見都覺得正！玫瑰花豬頸肉就係將啲豬頸肉卷到成朵玫瑰咁！我地懶得慢慢一片片淥，就直接成朵放落去！落到去好易就散開，唔怕痴實晒！豬頸肉超香口！肉又夠嫩但又有爽爽地嘅感覺！越咬就越香口！芝士蝦丸應該係佢地手打！蝦丸好彈牙好有口感！入面有少少芝士，但又唔係爆漿嗰種，不過食落成粒都會有啲芝士味！海蝦滑佢地係打平一塊咁上，比蝦丸好似實少少，同樣都彈牙，只係個形狀唔同所以口感有啲分別，一樣好食！以為台式鳥結糖係甜品？其實佢係用墨魚