Milu Thai มิลู่ไทย (百樂中心)

Open Now

Now Closed

第一次見火山排骨係喺曼谷，當時因為病咗所以冇食到，估唔到喺香港見返，當然要試下啦🤣 見到最近好多人嚟打卡，今次終於輪到我啦 火山排骨($198) 💕超巨型，左右兩邊各一大塊助骨，大到唔可以一隻手攞住嚟食，好彩店員一早已經準備好每人兩隻手套同濕紙巾。助排係我最喜歡食嘅部位之一，因為挑下挑下咁食好有趣。用大量泰式酸辣配料同湯汁，好惹味，唔會太辣，作為第一碟菜夠哂開胃🤤雖然睇落係骨，但都有好多肉，我地兩個人努力之下都食得哂😂 青檸酸辣明爐烏頭($178)💕仲叫咗必食嘅明爐烏頭，叫咗青檸酸辣味，有啲似火山排骨嘅味，不過比排骨辣。烏頭上枱時已經熟咗，只係用火加熱。烏頭煮得幾滑，唔算多骨多鱗😂配料仲有粉絲索哂啲汁👍 泰式蛋包炒金邊粉($108)又係泰國菜必食嘅炒金邊粉，賣相還可以，網狀嘅蛋包住少金邊粉，金邊粉比一般嘅粗少少，配三隻蝦🦐酸酸甜甜唔辣，要辣可以用旁邊嘅辣椒粉 青檸梳打 ($28) + 凍青檸茶 ($30)飲品味道正正常常，份量適中，食辣嘢要嚟解下辣🥵 好味指數 🌕🌕🌕🌕🌗抵食指數 🌕🌕🌕🌕🌑打卡指數 🌕🌕🌕🌕🌗推介指數 🌕🌕🌕🌕🌗推介菜式會以💕表示