Video
Read full review
2011-10-10
33 views
話說應承左男朋友好耐去食一風堂，咁啱我又意外地無考CRE，就由我去排隊啦!! 拎左飛，等一百八十張枱，過左一個鐘頭九個字再返去都只係輪左一百張，再過半個鐘返去，竟然叫到91號飛，比我張飛足足遲左70張!!!當時想重新排過，因為已經九點三，星期六呢個時間尖沙咀大部份食肆都要排隊，但已經CUT左籌了...於是喺新港中心周圍行下有咩食，發現Ruby tuesday 十月份每晚九點後有六折!! 有著數，梗係食啦雖然有discount，但ruby tuesday "碟頭"太大了，為免食得辛苦，我地只係叫左一個Triple rips, 同餐湯連沙律吧一次!餐湯馬上就上桌了，不過麻麻地。雜菜湯又有creamy口感，可能我唔太習慣了。 一分鐘後，rips同連side dishes就來了。唔係即叫即做，不過都熱辣辣的。Rips嘅燒汁好香，而且每一根都輕易「骨肉分離」，啱晒我咁懶~爆谷蝦卜卜脆好味，炸雞都唔錯，雞肉即使炸過都依然嫩滑有肉汁，但太熱氣了。牛油焗薯都不俗，一向喜歡薯仔製品，呢個SIDE DISHES啱晒我地，如果又係薯條就真係更熱氣了!食到最後先發現waitress姐姐無俾食沙律嘅碟我地。可能
拎左飛，等一百八十張枱，過左一個鐘頭九個字再返去都只係輪左一百張，
再過半個鐘返去，竟然叫到91號飛，比我張飛足足遲左70張!!!
當時想重新排過，因為已經九點三，星期六呢個時間尖沙咀大部份食肆都要排隊，但已經CUT左籌了...
於是喺新港中心周圍行下有咩食，發現Ruby tuesday 十月份每晚九點後有六折!! 有著數，梗係食啦
雖然有discount，但ruby tuesday "碟頭"太大了，為免食得辛苦，我地只係叫左一個Triple rips, 同餐湯連沙律吧一次!
餐湯馬上就上桌了，不過麻麻地。雜菜湯又有creamy口感，可能我唔太習慣了。
一分鐘後，rips同連side dishes就來了。唔係即叫即做，不過都熱辣辣的。Rips嘅燒汁好香，而且每一根都輕易「骨肉分離」，啱晒我咁懶~
爆谷蝦卜卜脆好味，炸雞都唔錯，雞肉即使炸過都依然嫩滑有肉汁，但太熱氣了。
牛油焗薯都不俗，一向喜歡薯仔製品，呢個SIDE DISHES啱晒我地，如果又係薯條就真係更熱氣了!
食到最後先發現waitress姐姐無俾食沙律嘅碟我地。可能就收工好攰，無乜service但可以體諒的。
因為已經食飽飽，沙律都只係淺嘗。選擇係幾多的，薯仔沙律、螺絲粉沙律都有兩、三款選擇。
總結: 平時ruby tuesday都起碼每人二百蚊落樓，所以今次的確幾抵食。下次希望試下burger，見到隔離大隻佬都要兩個人share~好震撼
Post
