巧麵館 (Closed)

作為一個豬潤狂人嘅我，嚟到第一時間梗係要試吓佢啲豬膶到底好唔好食。首先佢非常之好感拿捏烹調時間，真係煮得啱啱好有少少粉紅色。處理得亦都非常之好，唔會嫌佢有臭味。撈麵嘅鹼水麵口感非常清爽，而且我都比較鍾意有鹼水味嘅面，加埋啲蠔油就啱啱好當然唔少得佢嘅招牌辣椒油。呢個竹笙相對就有啲普通，但係呢個價錢來講真係完全對得住。第二個面就嗌咗豬手麵，豬手煮得好淋而且非常入味，相對個雲吞就有啲失色。呢度嘅牛腩份量非常之大，而且都有幾多牛筋，可以補下骨膠原呢個港式奶茶都算幾好飲，唔算太甜㗎啦。總括而言可以喺尖沙咀以呢個咁好嘅價錢食到一碗高質嘅面真係唔簡單