海湶茶餐廳 (Closed)

一條冷巷,位於德華街,一堆五金,電器行旁邊,我都係剛剛來到附近買野,而又係食飯時間,同女友兩個,亂行亂走,來到此店門口,我覺得好殘舊,但經驗話我知,門面破舊的店鋪,不代表他的出品是不良,反而,有時就是這種類的店鋪,才會有驚喜,好,決定一試,開飯去也...........

天花的燈飾

地上的痕蹟

向歲月低頭的鏡子

午餐:$35連凍飲,香茅雞扒炒公仔麵,雞扒夠入味,香茅味都幾香,公仔面炒得均勻之餘又不會太油,重點係成碟野好o岩比例,雞扒和公仔面的份量都剛剛好,good

好味

午餐$35連凍飲,雞粒炒飯,第一,個飯炒定,然後有人叫就(不)上來比你食,咁..........又點能夠做得好食呢?而且我覺得有點不夠溫度,總之,呢碟唔得

總結:當我入店內時,連我只有2檯客,哈哈,坐唔夠10分鐘,有好多工程人員進店用膳,而且多數都係4人5人一檯咁入來,唔洗2下,全店滿座,睇來呢間巷仔店,真係好多熟客,講番食品,炒面算不錯,炒飯唔得,50/50,但老闆娘態度十分好,問我d野好唔好食,杯茶好唔好飲,好有心,我當面同佢講,炒飯唔得,佢話,係咩?無理由喎,我會跟下,可能佢日日中午的客人都大部份認得,見到我同女友入內,完全知道我第一次來,雖然是殘舊的冷巷店,但對客人的態度也有一份堅持,不錯.............再見