為左發掘呢度既隱世野食，前排我就搵左間以鹿為題材既樓上意大利菜.
Deer kitchen 岩岩搬左去新地址，環境夠大，裝修以可愛的鹿為主，加上入口處有幅好大的草牆同鹿model,影相打卡就最岩啦！
餐牌幾別緻，封面亦有鹿的logo
呢度有set dinner, 但為左試更多野食我散叫左.
就算散叫都有包送認真抵！個人鐘意個橄欖油，十分開胃🤤
主菜叫左北京填鴨pizza同左口魚柳. 平時都食過好多填鴨pizza,不過d填鴨份量就好少.而呢度份量多，啖啖都食到填鴨，個烤鴨醬亦好吸引，加上烤脆既pizza邊就更好味！
而魚柳配鮮蝦再用白酒牛油汁襯托,香味十足.我鍾意呢個煎脆左既魚皮加上嫩既魚肉，入口時又脆又嫩口，口感特別. 魚肉唔會太硬，亦帶有少許魚油香.整體唔錯，不過胃口大既朋友可能要叫多樣食啦😂
除左主菜仲叫左單骨雞同黃金薯條.原以為黃金薯條只係咸蛋薯條，點知仲有南瓜條，2種口味，有驚喜.
附近返工既朋友不妨夜晚黎試試！服務好，經常問食物意見，佢地亦試緊好多新菜色，下次黎試新菜！
