Coffee Question (Moved) New Location

難得 HAPPY FRIDAY 加上又岩岩出糧，真心想食好喲，比我搵到公司附近有一間既隱蔽又骨子的咖啡室，完全無諗過o係繁忙既工業區之中會有一間咁別緻既咖啡室，真心有驚喜。雖然空間比較細，但係店員既服務和態度都好親切，店內食物既選擇唔算多，主打都係以飲品為主，特別係咖啡。所以餐牌上都只會有3款左右的食物套餐選擇。而我今日就揀左「卡邦尼意粉」＋「藍柑橘冰咖啡」。「卡邦尼意粉」： 軟硬適中的意粉與半生熟既雞蛋蛋汁非常夾，濃濃既芝士味更為突出。「藍柑橘冰咖啡」：咖啡味道唔算好濃，帶有少少柑橘酸味，個人認為幾特別。