有見及此，我哋就約埋四個同事一齊book咗嚟食晏。餐廳環境好舒適，樓底非常高，座位之間都相格幾遠，好適合一班朋友一齊聚會。
本來想嗌佢個日本A4黑毛和牛三文治食，睇相好吸引，可惜當日去到已經賣晒，結果我哋四個都要咗同一款菜式「明太子鍋燒烏冬配吉列和牛」。
個餐賣相幾好，除咗明太子同和牛仲有其他配菜，有隻蛋、冬菇、鳴門卷同埋腐皮，明太子略為咸，好在有個湯中和返。
可能睇相都睇到，個和牛同塊脆皮貼唔實，有一兩塊牛咬開之後散晒，有少少可惜。
總結，環境靚，可惜暫時冇咗晚市，同埋希望下可以食到個三文治。
