祥仔 (永康街) (Closed)

荔枝角食飯時間勁多人，本身諗住食個間排晒長龍，即刻轉軚，朋友話呢間係RICKY開的，佢就話係TVB同新假期都有介紹過。舖面就有大理石感覺的天然感，開放式吧台廚房，西式餐牌。慢煮牛脷鮮茹意粉感覺係西式的那款慢歎食法，咁下晝趕頭趕命食法都有D難度，不過佢叫做黎野夠快手！咁調轉諗，歎一個正lunch都唔錯選擇~麵身係有咬感的，所以如果想要林身D，就要預早通知聲伙記~味道係「有機」感覺，唔會好咸好甜，食落口係清淡舒服的！瑞士雞翼面頭的香草令整個雞翼味道升華，有種很特別的感覺，瑞士汁都入味，食嘅時候小心唔好俾汁整到衫~經典芝士煙肉長通粉伴溫泉蛋長通粉都比較硬身，芝士夠味的，份量適中，如果大食人士可能要再額外添小食~飲品：茶走茶底有別於一般茶餐廳，微甜而帶點茶香，很特別的！