The Stadium (Closed)

朋友約我黎觀塘區食野，工廠區就係多d特色野食，但星期日就好多都唔開，好彩搵到呢間the stadium食lunch。之前都有黎過架啦，佢個晚餐幾好架，之前入夜又多人，冇好好仔細睇佢餐廳既環境，原來佢除左室內，仲有室外露天既位置可供用餐，睇落去都幾舒服架。店員帶我地座左張近窗既兩人枱，有陽光照落黎，好寫意。我地隨意點左個意粉同魚子多士，加15蚊配餐湯同飲品，我個飲品幾有特色，係rosemary lemonade，上層紫色下層茶色，加片檸檬係上面，好夢幻，味道都幾好。魚子多士個賣相好得，有勁多魚子同蛋沙律鋪係麵包上面，加上沙律菜伴碟，睇見都開心。咬落去個麵包頗脆，魚子蛋沙律啖啖香甜，特別係個魚子好鮮味，吃得我滿口咸香，滋味十足。意粉用左蛋黃醬做汁，份量適中，唔太乾身，吃到底亦不會有多餘的汁留底，意粉彈牙，配上三隻大蝦都係爽口彈牙，但兩種彈牙既感覺都非常出色，非常好吃。意粉份量對我和朋友來講都算幾多。我地兩人都吃的飽飽的。