Video
Read full review
2022-02-26
434 views
今日又去到觀塘工業區搵食。喺ig前排見到呢間餐廳嘅九宫格拼盤，被深深吸引著，今次趁住要去醫院覆診就去到呢間嘞。當日喺ig睇到嘅櫻木係間新餐廳，但其實佢前身喺駱駝漆大廈嘅漢堡小店，轉移到現時位置，改名fratelli restaurant，近年再轉型由漢堡店變為日式料理店。 店舖位於富利工業大廈，裝修就係典型木系飯堂外觀。當日12:15去到，場面空蕩，一個人都冇，原來到1:00人流先至出現。午市餐牌有簡單嘅炒烏冬，10多款自選定食，包有冷盤漬物，當然仲有漢堡。但原來九宮格只在周未供應。 慢煮安格斯封門柳定食$88 賣相，點講好呢...真心好細舊，但$88就有牛扒的話，性價比大家自己衡量吓啦。封門柳，據說一隻牛只有600g，但價錢相對便宜。因脂肪較少，好容易煮得唔好而變硬，但肉味較濃，因此好多人將佢慢煮。 件牛望落就有完美嘅Medium rare血紅色，慢煮過後唔似前排講嘅“慢煮屋”嗰個同樣咁韌，呢隻真係軟嫩彈牙，具有肉味。慢煮過後，邊位都唔會過熟，加上濃厚甜美嘅醬汁，個人覺得醬汁味道蓋過肉香，但整體都幾好嘅，份量就...(配菜下文再講) 吉列豬扒定食$78 呢個嘅份量就滿足到我啦，仲大過
當日喺ig睇到嘅櫻木係間新餐廳，但其實佢前身喺駱駝漆大廈嘅漢堡小店，轉移到現時位置，改名fratelli restaurant，近年再轉型由漢堡店變為日式料理店。
店舖位於富利工業大廈，裝修就係典型木系飯堂外觀。當日12:15去到，場面空蕩，一個人都冇，原來到1:00人流先至出現。
午市餐牌有簡單嘅炒烏冬，10多款自選定食，包有冷盤漬物，當然仲有漢堡。但原來九宮格只在周未供應。
慢煮安格斯封門柳定食$88
慢煮安格斯封門柳定食
$88
14 views
0 likes
0 comments
賣相，點講好呢...真心好細舊，但$88就有牛扒的話，性價比大家自己衡量吓啦。封門柳，據說一隻牛只有600g，但價錢相對便宜。因脂肪較少，好容易煮得唔好而變硬，但肉味較濃，因此好多人將佢慢煮。
慢煮安格斯封門柳定食
$88
7 views
0 likes
0 comments
件牛望落就有完美嘅Medium rare血紅色，慢煮過後唔似前排講嘅“慢煮屋”嗰個同樣咁韌，呢隻真係軟嫩彈牙，具有肉味。慢煮過後，邊位都唔會過熟，加上濃厚甜美嘅醬汁，個人覺得醬汁味道蓋過肉香，但整體都幾好嘅，份量就...
(配菜下文再講)
吉列豬扒定食$78
吉列豬扒定食
$78
12 views
0 likes
0 comments
呢個嘅份量就滿足到我啦，仲大過個碟添。麵包糠外皮唔會過厚，冇“甩皮甩骨”嘅情況出現，入口金黃酥脆，標準之作。豬肉仲係juicy香口，完全唔柴，有少量脂肪層保留嫩感。上面嘅醬汁酸甜可口，如果有得自己落就更好。
吉列豬扒
$88
18 views
0 likes
0 comments
冷盤:
厚燒玉子：推介呢個呀！玉子燒生熟剛好，質感香綿，柔軟如蛋糕似的，味道甜蜜濕潤，有蛋香，完美。
山葵八爪魚：同螢光魷魚係同類料理，有黏稠嘅汁液，帶有山葵嘅辛香。生八爪魚爽口彈牙，黏口而帶有醬油香，有D人會覺得奇怪，但我就好鐘意。
白飯：
明太子：估唔到白飯都有四款配料選擇，我就叫咗明太子嗰款。份量可以撈到碗白飯有餘，口感爽脆，咸鮮味十足，但個人認為咸咗D，明太子可以放少D。
醬油蛋：生蛋好大隻，醬油佈滿半碗飯，令平平無奇的白飯變得香濃油潤，更有食慾。
Post
