入到去環境都幾好，光猛得黎又整潔，而且座位都幾闊落😌
可能未到繁忙時間，平日大約6點去到都冇乜人
三文魚親子丼 • HKD$168
表面鋪咗八片極厚切嘅三文魚刺身，每片起碼有1cm厚，加埋都起碼半磅嘅份量😳
三文魚籽都超多，足夠一啖飯配一羹咁食到最後～
兩樣食落都好新鮮，三文魚冇腩位咁油膩，而三文魚籽嘅咸香令到成個飯加晒分💕
北海帆立海老丼 • HKD$188
啲蝦全部都好新鮮💯
甜蝦肉質比較綿，味道就係三款入面最甜～
牡丹蝦係肉質相對較紮實同脆口，味道甜中帶點清香☺️
最過份係赤蝦，新鮮到個頭啲膏仲係橙色，而且完全冇腥臭味🤯
夠膽講後面兩款蝦係我暫時喺香港食過比較出色嘅水準🥰
帆立貝都好鮮甜～
餐廳使用日本產嘅米，睇得出粒粒都光澤好靚同好飽滿
但如果醋飯嘅鹹味可以重返少少就完美🤏
整體黎講呢個價錢食到咁新鮮嘅海鮮刺身，都真係算好抵，如果喺港島地區一定貴起碼3成！
