搵呢棟工廈都搵左陣，上到去門口其實唔算好顯眼，6點幾鐘店舖仲未有客人。不過女店員非常之熱情同nice, 場內坐位任揀。限聚令底下，兩人一台係坐得好寬敞。
店員熱切咁遞上餐牌，口頭介紹左今期既優惠，大概就係小食煮蜆果到加少少錢就可以無限refill,同埋加錢要set既加1蚊可以任食cheesecake。 不過我兩樣都冇加到。
HKT三式薯條小食揀左呢個，因為貪佢有3種醬可以點，分別係黑松露醬、蜜糖芥茉、茄汁。
薯條係即叫即烤，5分鐘左右就上菜，超熱，而且外脆內軟，份量一啲都唔少。我覺得黑松露醬最好食，好香黑松露味。其次就係蜜糖芥茉，都幾有特式。
招牌名古屋蒲燒鰻魚蛋包意大利飯講到明招牌菜，梗係要試一試。鰻魚都幾大條而且配上鰻魚汁都幾香幾肥美。滑蛋都幾滑不過就唔係話超香。我覺得重點係個意大利飯，食落好creamy，好香。
蟹肉蟹子明太子扁意粉唔少cafe都有呢味菜，呢間店嘅意粉軟硬適中，個汁食落都幾香幾creamy，蟹子亦見到有唔少，不過蟹肉就真係冇乜啦。味道整體其實唔錯既。
總結來講呢一間都係一間幾有心機嘅餐廳，好多菜式都好想試，下次再黎食下
