神木日本料理 (Closed)

觀塘工廈出名多好野食，今晚同老公嚟到呢間「神木」。揀呢間餐廳係因為老公想食燒肉，而我想食壽司，呢度兩樣都有，咁就 perfect.餐廳以仿竹設計，天花掛住好多把日本紙傘作為裝飾。本壽司定食烏冬 (日本鮮魚、吞拿魚、赤蝦、白身魚、赤貝、 燒左口魚群邊) 配吞拿魚蓉魚子手卷、茶碗蒸、麵豉湯  $168 擺盤好靚，6款壽司以梯級木架呈上，壽司材料新鮮。吞拿魚蓉魚子手卷餡料好足，紫菜好脆。呢個餐仲有茶碗蒸同烏冬，超豐富，好抵食。一人燒肉定食 M7澳洲和牛拼極上牛板腱  配白飯、麵豉湯、三色刺身（三文魚、赤蝦 、玉子）  $148三文魚刺身新鮮肥美，赤蝦鮮甜彈牙M7澳洲和牛口感軟腍，牛板腱肉味濃郁。可自由配上旁邊各款醬汁。TORO 蓉夾餅  $38/件上網睇好多人都有點呢個夾餅，所以都點黎試下。夾餅放上大量吞拿魚蓉加上大大粒魚子，再配上金箔，好吸精。吞拿魚蓉鮮甜再加上魚子咸香，味道一流。