小店格局，簡約整潔。不過Open kitchen，難免成身油煙味。
坐低睇吓menu，都ok 多選擇。選好出去落order 同比錢先。
所有餐都跟沙律。唔錯啦。加$10 有餐湯。是日餐湯係蘑菇湯，可惜唔係好夠熱。
1
幾貼心地，可以自取免費的凍水果茶。不貼心地，好鬼甜！希望店長可憐下我地呢啲減肥人士，考慮吓提供無糖版本，再放支糖漿喺旁邊，咪可以自由落幾甜都得囉～ （好在都有普通水提供）
牛扒係封門柳（hanger steak），係比較瘦嘅部位，但肉味非常濃郁，一隻牛只有兩細條。另外。同店員講希望改薯條做薯蓉，都ok。
食完覺得真係好ok，其實呢間店本身係賣食材嘅，所以我都訂左兩條封門柳返屋企再食。佢地亦會幫客人先慢煮。幾好服務～
