新匯聚打冷小廚 (Closed)

觀塘成業街雖然係工業區，但一到夜晚就變成為美食集中地，無論新落成大廈還是舊式工業大廈，都佈滿各式食肆，我就較為喜歡去舊式工廈搵食，因為通常大件夾抵食今日我就幫襯左新匯聚打冷小廚，貪佢有潮式又有中式菜式，餐牌有齊多款小菜及打冷菜式鹵水拼盤份量超大，鹵水墨魚彈牙又有墨魚味，肉質彈牙， 紅腸充滿鹵水咸香，鵝翼入味之餘又夠晒腍身，送啤酒一流,鹵水豬頭肉，肉質彈牙有咬口，充滿鹵水味的骨膠原，鹵水鵝肉夠晒厚身, 啖啖肉超好味，大腸有濃濃鹵水味，而且忟得整腍，有水準炸蠔餅蠔餅份量超大，雞蛋混和香脆炸粉，入口鬆脆又香口，入邊有唔少蠔仔人， 隻隻夠晒肥美，蠔味又濃清湯牛筋腩又係一大鍋份量夠大，清湯腩大大件牛味好夠，牛筋更正 ，條條夠粗，而且忟得極腍，入口即溶，火侯好夠整體呢間工廈餐廳，除左潮式打冷仲有中式小炒，食物大碟又好味，是一個不錯選擇