MOO MOO

Open Now

Now Closed

今日又去左食漢堡！！呢期成日周圍去試唔同既漢堡，而呢次收工就坐車入到觀塘去試下工廈既小店～觀塘區其實都好多好野食，奈何距離有啲遠，所以我都比較少黎呢區。呢間專賣漢堡既小店係工廈入面，仲有happy hour可以叫啤酒飲。除左店內既area之外，店外有個類似food court既位，同埋工廈既出面都有一個area可以坐。呢到既漢堡定價都係60-70蚊左右，不過就唔跟薯條/沙律，要另外叫。白菌之堡我食既呢個漢堡加左白菌，醬汁亦帶有少少松露香味，幾香口。漢堡扒唔會太老太鞋，入面保留左啲肉汁，而且都食得出牛肉既香味。麵包輕輕烘過，有少少脆身同帶牛油香。熱帶之堡朋友揀既，佢同其他漢堡唔同既地方就係多左塊菠蘿，可以解下膩，感覺無咁膩。另外醬汁係用千島醬，有酸酸甜甜既味道，應該都幾開胃。翠綠森林沙律沙律菜新鮮，醬汁可以自己揀。我就揀左凱撒沙律醬，個人唔太鐘意，因為無左食開個種味，反而係偏酸少少。肉汁芝士薯條芝士可以拉到絲，肉汁稍為有啲咸。薯條質感唔差，而且用左粗薯條，值得加分。