Video
Read full review
2019-04-01
73 views
旺角的樓上cafe去得多。但荃灣的就真係未去過。行咗一輪先搵啱街号，儍下儍下咁問樓下保安點上五樓。“有光果到就有𨋢”， 盲咗咁睇唔到客𨋢，入咗貨𨋢。 果下心諗間Cafe究竟會係點？一出𨋢，都仲係一個傳統工廈應該有的樣（暗，亂，舊），但一轉去右邊望，眼前一亮！桃花源出現了！(見圖）行入去後，里面擺設更有驚喜！真的估唔到自己身處工廈。Cafe佈置得好舒服，係我鐘意的wood tone，有家的感覺，窗邊果排高櫈仲向海，有海景睇。我地揀咗大枱坐，因為方便玩board games。玩前先點菜醫肚。作為樓上cafe，都算多食物選擇，仲有set dinner。叫左一個set，加錢點多2個小食同飲品。個set包6道菜（餐湯，牛油法包，沙律，飲品係其中四道），其實唔驚會太飽，因為除主菜外，份量都唔太大。沙律，牛油法包味道正常；羅宋湯唔會過酸或過淡。Parma ham &melon, 同埋薯絲蝦好食。蜜瓜好甜，Parma ham仲好大塊。平時對薯仔一般般的我愛上了這個薯絲蝦，炸得香脆唔油，食落好有薯仔味！最驚喜係我杯堅果薄荷青檸梳打($36)，除咗味道超級refreshing，仲有烤過的榛子碎好香口，好好
行咗一輪先搵啱街号，儍下儍下咁問樓下保安點上五樓。“有光果到就有𨋢”， 盲咗咁睇唔到客𨋢，入咗貨𨋢。 果下心諗間Cafe究竟會係點？
一出𨋢，都仲係一個傳統工廈應該有的樣（暗，亂，舊），但一轉去右邊望，眼前一亮！桃花源出現了！(見圖）
行入去後，里面擺設更有驚喜！真的估唔到自己身處工廈。
Cafe佈置得好舒服，係我鐘意的wood tone，有家的感覺，窗邊果排高櫈仲向海，有海景睇。我地揀咗大枱坐，因為方便玩board games。玩前先點菜醫肚。作為樓上cafe，都算多食物選擇，仲有set dinner。
叫左一個set，加錢點多2個小食同飲品。
個set包6道菜（餐湯，牛油法包，沙律，飲品係其中四道），其實唔驚會太飽，因為除主菜外，份量都唔太大。
沙律，牛油法包味道正常；羅宋湯唔會過酸或過淡。Parma ham &melon, 同埋薯絲蝦好食。蜜瓜好甜，Parma ham仲好大塊。平時對薯仔一般般的我愛上了這個薯絲蝦，炸得香脆唔油，食落好有薯仔味！
最驚喜係我杯堅果薄荷青檸梳打($36)，除咗味道超級refreshing，仲有烤過的榛子碎好香口，好好咬。開心見到店家用環保飲管！朋友話佢杯焦糖泡沫咖啡就偏淡。
主菜的份量好慷慨，天使麵煮得啱啱好，三大粒刺身級带子輕煎外層，里面仍很軟嫩，鮮甜。整個主菜以清新味道為主，蒜片味唔重。
甜品除某幾個指定款式要加錢外，跟餐甜品可自己走去蛋糕櫃選，或者可選雪糕（5款味道）。朋友話蛋糕好滑好香，佢食後好開心。
總結呢個桃花源，環境好靚好舒服。而且又有board games玩。食物更係屬樓上cafe的高班馬！唔怪得一路食一路有客入，仲要係細路老人家都有。
頭盤，甜品(香蕉朱古力忌廉蛋糕)
3 views
0 likes
0 comments
西班牙火腿拼蜜瓜， 薯絲蝦
34 views
0 likes
0 comments
堅果薄荷青檸梳打，凍焦糖泡沫咖啡
4 views
0 likes
0 comments
北海道帶子蒜香天使麵
$138
6 views
0 likes
0 comments
Post
