Cheng Banzhang Taiwan Delicacy (Closed)

自從上月撰寫了「阿元來了」後，身邊的朋友一直叫我再介紹地道的台灣小店給他們。但是在香港，很多所謂「正宗」的台灣小店都係名過於實，背後都係香港人煮出來的味道，不能說得上正宗。今日咁岩去到荔枝角，當然要重回一間正宗的工廈台灣小店 - 程班長！近年香港不少工廈都出現了優質的食肆，因為鋪租較便宜，所以店家能夠將成本同心機放係食物質素上面，往往比街邊鋪的味道更有驚喜。

程班長位於工廈中，一出電梯就可以可以見到佢個易拉架，十分易認。

雖然黎到已經係2點幾的時段，但係店入面依然人山人海，可見程班長既威力的確唔少野。

幾款小食有個陳列櫃放係點菜區附近，供食客自行參考。

食物的選擇唔少，牛肉面丶肉燥飯係大家必點的食物之一，大家可以自行去選擇吧！提提大家，食物又自己出櫃台點單比錢後囉台號板，同埋餐具係需要大家自行去拿取的。

1

肉燥飯

$28

肉燥飯唔算細碗，比起其他地方食的肉燥飯，佢既肉燥偏向半肥瘦，岩哂OL的口味。肉燥的味道唔算太咸，配合白飯十分適中。因為採用半肥瘦的肉燥，所以肉味比較濃，相當惹味而不膩。伴飯的椰菜調味炒過，唔會太淡口。

紅燒半筋半肉面

$52

本人比較喜歡半筋半肉的牛肉面，因為可以同時間吃到牛筋的腍同埋肉味的香，所以必點呢碗紅燒牛肉面。牛筋煮得非常腍又滑，食落口有種黏口的膠質，相常過癮。牛肉煮得相當入味而唔會過老，一咬落去就自動斷開，好軟好腍。而手打的閣條面同機器做的面的確唔同，口感比較紮實同埋有咬勁，雪雪聲連埋湯汁倒入口真係好滿足。

1

豆乳雞

$30

豆乳雞亦都相當有驚喜，食落口雖然唔會誇張到真係有一陣好強烈的豆香味，但係的確可以食得出有豆的甜味，同嫩滑的雞肉相當襯。雞炸得唔會老，而且唔會一大層厚厚的炸漿，入口滿滿的都是雞味同大豆的甜味。

冬瓜茶

$8

肉燥飯丶牛肉面同埋豆乳雞都相當比較濃味，所以配上冰涼的冬瓜茶真係Fit哂！入口唔會太甜，冬瓜糖份量岩岩好，配上豆乳雞，好似飛左去台灣夜市咁。

黑糖芋圓

$25

芋圓糖水又冰涼又甜，冇其他材料的花巧，只係有幾款不同地瓜做成的芋圓，食落口非常Q彈，芋圓唔會太甜，配合糖水甜度岩岩好！

一種好有愛的感覺，好佻皮的店家！