Video
Read full review
2021-03-15
343 views
之前睇不同食評都話佢地嘅漢堡扒好食，今次就嚟試下！一睇menu，全部菜色都好吸引，但可惜眼闊肚窄，今次叫左大家都大讚嘅🍛芝士漢堡扒湯咖哩定食($72)試下先。套餐可以跟味增湯或者玄米茶，我簡左後者。先講湯咖哩，材料都幾足！入面有蓮藕、鴻喜菇、茄子、薯仔等等，重點係野菜有先炒香再煮，加分！湯咖哩十分惹味，同係北海道食嘅味道差唔多，唔油膩之餘仲有日式咖哩嘅香味，將湯咖哩拌入飯食更加清新。無諗過只需$72就可以食到咁高水準嘅湯咖哩，實在好有驚喜。但原來一山還有一山高，芝士漢堡扒更加吸引。漢堡扒外層有少少焦香，內裡肉汁橫溢，肉質嫩到可以用匙羹輕輕一壓就分開，但唔係散晒變肉碎。咬一口，係啖啖柔軟又juicy嘅真正「日式漢堡扒」，而唔係坊間乾到似柴嘅所謂「漢堡扒」。係依段去唔到日本嘅時間，可以食到「鄉下」嘅味道實在感動，最緊要係抵食。小店由APM行過去只需幾分鐘，位置方便。聽講lunch time會大排長龍，如果公司或屋企係附近，亦可以選擇外賣，仲邊有藉口唔去試下？
一睇menu，全部菜色都好吸引，但可惜眼闊肚窄，今次叫左大家都大讚嘅🍛芝士漢堡扒湯咖哩定食($72)試下先。
芝士漢堡扒湯咖哩定食
$72
18 views
0 likes
0 comments
套餐可以跟味增湯或者玄米茶，我簡左後者。
先講湯咖哩，材料都幾足！入面有蓮藕、鴻喜菇、茄子、薯仔等等，重點係野菜有先炒香再煮，加分！
芝士漢堡扒湯咖哩
$72
16 views
0 likes
0 comments
湯咖哩十分惹味，同係北海道食嘅味道差唔多，唔油膩之餘仲有日式咖哩嘅香味，將湯咖哩拌入飯食更加清新。
無諗過只需$72就可以食到咁高水準嘅湯咖哩，實在好有驚喜。
但原來一山還有一山高，芝士漢堡扒更加吸引。
漢堡扒外層有少少焦香，內裡肉汁橫溢，肉質嫩到可以用匙羹輕輕一壓就分開，但唔係散晒變肉碎。
咬一口，係啖啖柔軟又juicy嘅真正「日式漢堡扒」，而唔係坊間乾到似柴嘅所謂「漢堡扒」。係依段去唔到日本嘅時間，可以食到「鄉下」嘅味道實在感動，最緊要係抵食。
小店由APM行過去只需幾分鐘，位置方便。聽講lunch time會大排長龍，如果公司或屋企係附近，亦可以選擇外賣，仲邊有藉口唔去試下？
Post
